Í árslok 2003 voru í Landlýsingu lýsigögn fyrir 101 gagnasafn sem tengdist 25 stofnunum og sveitarfélögum.
Í samstarfssamningi LÍSU samtakanna og Landmælinga Íslands fyrir tímabilið
2001-2003, kom meðal annars fram hvert væri markmið verkefnisins, hlutverk
fagráðsins og hvernig ætti að vinna að málefnum Landlýsingar. Þá var
fjallað um hlutverk LMÍ sem framkvæmdaaðila, og um hlutverk gagnaeigenda
varðandi upplýsingar um gögn og hlutverk LÍSU sem vettvang notenda og
þátttakenda.
Í lok tímabilsins er ljóst að ákvæði samningsins hafa gengið vel eftir og á
þann hátt sem lagt var upp með. Fagráðið sem skipað var árið 2001 setti
fram markmið um að ná fjölda þeirra gagnasafna sem lýst er í Landlýsingu úr
rúmlega 40 í 100 á þeim þremur árum sem samningurinn gilti og gekk það
eftir.
