Fréttir

Árlegur samráðsfundur Landlýsingar

Samráðsfundur um stöðu lýsigagnaverkefnisins haldinn 11. janúar 2002

Þann 11. janúar 2002 var haldinn samráðsfundur með fulltrúum þeirra stofnana og sveitarfélaga sem eru þátttakendur í lýsigagnaverkefniu Landlýsingu. Þetta var annar samráðsfundur Landlýsingar, en stefnt er að því að halda slíka fundi í janúar árlega. Markmið hans var að ræða stöðu og horfur í verkefninu, fá fram sjónarmið allra sem koma að því með einum eða öðrum hætti, meðal annars varðandi árangur og hvað megi betur fara til að mögulegt verði að efla og styrkja verkefnið. Á þessum fundi fóru fram mjög gagnlegar umræður allra fundargesta og komu fram hugmyndir og tillögur sem tekið verður mið af við framhald efnisöflunar fyrir Landlýsingu. Fundinn sóttu 13 fulltrúar stofnana og sveitarfélaga og tókst hann mjög vel.