Vektor gagnasafn af öllu landinu. Vatnafarið skiptist í þrjú lög: línur, fláka og punkta. Vatnafarið er að mestu fengið af prentfilmum DMA- og AMS kortblaða í mælikvarða 1:50 000 en á undanförnum árum hefur mikið verið uppfært í þessu lagi. SPOT-5 gervitunglamyndir ásamt loftmyndum eru notaðar við uppfærsluna.

Að gera stafrænan vatnafarsgrunn af landinu öllu.

Gögnin eru notuð í landfræðilegum upplýsingakerfum stofnana, sveitarfélaga og fyrirtækja við hin fjölbreyttustu verkefni. Gögnin má nota við gerð staðfræðikorta og nýtast sem kortagrunnur við sérkort, fyrir verkefni í skipulags- og umhverfismálum (s.s. umhverfismat, hættumat), sem bakgrunnskort við birtingu ýmissa upplýsinga í stórum mælikvarða og í verkefni á sviðum vatnafarsrannsókna.